YouTube Interviews

Señora Nataly (Naty) Petronia;
a invitá den su programa - Trai Mèrdia –  na TeleCuracao,  
Health & Success Coach i BTB Feng Shui Consultant, señor Nelson Scoop.  
“Desaroyo Personal” i diferente i kon sigi ta e diferente temanan ku a haña atenshon i ku por a interkambiá di idea riba dje den su programa, den kual televidentenan por a tuma kontakto i hasi pregunta i/òf observashon. Esaki ta un par di entrevistanan.

Naty den su forma úniko i ku un kariño inmenso di semper, den e diferente entrevistanan a papia ku Nelson di  e abilidat pa lanta kada bia’ despues ku nos “kai” den bida. 
Tambe Nelson ta elaborá riba e diferensia di e mente i e selebre. 
Elaborashon ta sigi entre Naty i Nelson riba e instinto di sobrebibensia i  
su impakto riba e ser humano riba mundu; esaki kompará ku e realidat di eksperensiá unidat. 
Referiendo na un pregunta ku a drenta di un televidente, Nelson ta elaborá riba e 
importansia di sòru pa bo mes promé i formanan di kurashon
Un televidente a puntra si Hesus ta Dios i Nelson a duna splikashon. 
 
Riba pregunta di Naty, Nelson a elaborá masha kòrtiko riba un manera pa  
energétikamente “laga lòs” un hende ku por ehèmpel a fayesé.   
Kon bo ta yuda un hende ku a kaba di sali for di dependensia di p.e. droga, pa e sigi ta 
independiente i den un desaroyo fortifikante. 
E aspekto psychosomátiko di malesa tambe ta haña atenshon.

Trai Merdia Nelson Scoop 03012025

Trai Merdia Nelson Scoop 19122024

 

Trai Merdia Nelson Scoop 01082023

 

Señor German Gruben G. - SR “KAFESITO”;
den su programa – Bon Nochi Korsou – na Tele Curaçao i den su afan pa kontribuí na un Korsou ketu bai mihó informá a entrevistá Feng Shui Consultant i Health & Success Coach, señor Nelson Scoop.
Sr. Gruben, ku su grasia di semper, durante di e entrevista, ta hasi pregunta ku tur hende ke kontesta riba dje.
Ela hasi sr. Nelson Scoop pregunta riba:
- Relashon entre siensia Médiko i Feng Shui,
- Pordon i su impakto,
- E aspekto mental i spiritual di logro,
- E aspekto Mental, Spiritual i Material/físiko di Fe;
- Bèibel i Feng Shui, 
- Uzo di bela,
- Uzo di sensia,
- E siensia, práktika, aplikashon i Arte di Feng Shui,
- Orashon
- Meditashon, 
i  asina hopi pregunta mas ku bo tambe ke haña kontesta riba nan.

Apesar di e hecho ku sr. Gruben mester a tene kuenta ku e tempu disponibel, ela logra dirihí e programanan di “Bon Nochi Kòrsou” di tal forma ku abo ku ta skuchando i mirando por a haña, di un forma mas variá posibel i den e tempu kòrtiko ku tabata disponibel, mas kontesta riba bo pregunta(nan).
Di nos parti, danki na Tele Curaçao i muy en espesial na sr. German Gruben i su ekipo den su programa ‘Bon Nochi Korsou”.

 

BONOCHI KORSOU DJALUNA 4 12 23 NELSON SCOOP SPIRITUALIDAT

BONOCHI KORSOU DJALUNA 12 9 22 NELSON SCOOP FENGSHUI I PROSPERIDAT

BONOCHI KORSOU DJARASON 21 8 19 NELSON SCHOOP

BONOCHI KORSOU MASTER ACTUALIZADO NELSON SCOOP DJAWEPS 6 APRIL 2017